Термиз туманида 1 176 ўринли мактаб ва 50 қатновга мўлжалланган оилавий шифокорлик пункти фойдаланишга топширилди
Бугундан бошлаб Термиз тумани “Орол” маҳалласидаги мингга яқин бола замонавий мактабда таҳсил олиш имкониятига эга бўлишди. Ҳудуддаги 3-сонли мактаб вилоятдаги 61 та оғир тоифадаги мактаблар рўйхатига киритилиб, 3,9 млрд сўмлик лойиҳа асосида тўлиқ реконструксия қилинди.
![](https://telegra.ph/file/fad5ccb54c43cec9c2b87.jpg)
![](https://telegra.ph/file/faf108ebd80823ae06515.jpg)
Қурилиш талаблари асосида тўлиқ таъмирланган ва замонавий жиҳозлар билан таъминланган мактаб бугун фойдаланишга топширилди. Тантанали тадбирда вилоят ҳокими Улуғбек Қосимов, маҳалла нуронийлари, ўқитувчи-мураббийлар ва ўқувчилар ҳамда туман мутасаддилари иштирок этишди.
Тадбирда сўз олган маҳалла нуронийлари, ўқитувчилар ҳамда фаоллар ҳукуматимизнинг таълимга, хусусан, мактаблар шароитларини яхшилашга қаратаётган эътиборидан мамнун бўлиб, ўз миннатдорчилигини билдиришди.
![](https://telegra.ph/file/bdb0682936067483a7693.jpg)
![](https://telegra.ph/file/a5c0a70992261e37bad0b.jpg)
Шунингдек, бугуннинг ўзида Термиз туманидаги янги аҳоли яшаш пунктларидан бири бўлган “Янгиер” маҳалласида “Ташаббусли бюджет” лойиҳаси доирасида 2,2 млрд сўмга бунёд этилган, замонавий шарт-шароитларга эга Янгиер оилавий шифокорлик пункти ҳам фойдаланишга топширилди. Эндиликда ушбу ҳудуд аҳолиси ҳам ўз уйи яқинида малакали тиббий хизматдан фойдаланиш имкониятига эга бўлди.
![](https://telegra.ph/file/611df9182ee8ffbd237ee.jpg)
![](https://telegra.ph/file/8c9a2494899ac33c9e723.jpg)
-
Манзил :Термиз шаҳар, Ат-Термизий, 1-А уй. Жамот транспортлари: 2,4,8,222,17,13,5
-
Телефон :+998 (76) 224-02-89, 1088
-
E-mail:gov@surxondaryo.uz