Мамлакатимизнинг тарихий ва энг шонли санаси муносабати билан вилоятда 2 минг 258 нафар турли соҳа вакиллари ва фаол ёшлар Ўзбекистон Республикаси мустақиллигининг 30 йиллиги" эсдалик нишонига сазовар бўлди.

Термиз шаҳрида 1 минг 850 кишининг бандлиги таьминланадиган замонавий "Яшил дунё" савдо мажмуаси фойдаланишга топширилди.

Мустақиллигимизнинг 30 йиллик тўйи арафасида ишга тушурилган йирик мажмуанинг тантанали очилиш маросимида Термиз шаҳри ва туманлар ҳокимлари, давлат ва жамоат ташкилотлари вакиллари, нуронийлар ва ёшлар иштирок этди.

Тадбирда истиқлол шарофати билан кейинги йилларда мамлакатимизда амалга оширилаётган ислоҳотлар одамларнинг турмуш даражасини янада юксалтиришга хизмат қилаётгани, бунинг учун энг чекка ҳудудларда ҳам йирик бунёдкорлик, яратувчанлик ишлари олиб борилаётгани алоҳида қайд этилди.

Президентимизнинг фармонига мувофиқ мамлакатимиз мустақиллигининг 30 йиллиик байрами арафасида давлатимизнинг юксак орден ва медаллари билан тақдирланган ватандошларимиз сафида  55 нафар сурхондарёлик турли соҳа вакиллари ҳам бор.

Сурхондарё вилоят ҳокими Тўра Боболов бугун вилоят ҳокимлигининг мажлислар залида  бўлиб ўтган тантанали маросимда мукофотларни ўз эгаларига  топширди. 

Президентимизнинг жорий йил 25 августдаги “Ўзбекистон Республикаси мустақиллигининг ўттиз йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида”ги фармонига асосан бир гуруҳ ёши улуғ ватандошларимиз “Шуҳрат” медали билан мукофотланди.

Президент фармонига кўра, Ўзбекистон мустақиллигининг 30 йиллиги муносабати билан Бандихон тумани ҳокими Чориев Ўткир Абдузойирович «Содиқ хизматлари учун» медали билан тақдирланди.