“Юксалиш” умуммиллий ҳаракати раисининг буйруғига асосан Қобулова Мавлуда Умаржоновна жорий йилнинг 4 майидан умуммиллий ҳаракатнинг вилоят бўлинмаси раҳбари лавозимига тайинланди.
М.Қобулова Сурхондарё вилоятининг Денов туманида туғилган. 1995 йилда Тошкент педиатрия медицина институтини тамомлаган. Маълумоти бўйича мутахассислиги – врач-педиатр. Илмий унвони – тиббиёт фанлари номзоди, доцент. Халқ депутатлари Сурходарё вилояти Кенгаши депутати.
Меҳнат фаолияти давомида 1977-1989 йилларда Денов тумани марказий шифохонаси ҳамшираси, катта ҳамшираси, 1995-1998 йилларда Денов тумани марказий касалхонаси туғруқ бўлими врач-интернаси, врач неонатологи, бош неонотологи, врач-статисти, 1998-2003 йилларда Тошкент педиатрия медицина институти ассистенти, доценти, ўқув-услубий бўлими бошлиғи, 2003-2004 йилларда Денов тумани Ҳазорбоғ шифохонаси бош врачи, 2004-2005 йилларда Денов тумани марказий шифохонаси бош врачи ўринбосари, 2005-2020 йилларда Сурхондарё вилояти ҳокимининг ўринбосари – вилоят хотин-қизлар қўмитаси раиси лавозимларида ишлаган.
2020 йилдан вилоят Маҳалла ва оилани қўллаб-қувватлаш бошқармаси бошлиғининг биринчи ўринбосари бўлиб ишлаб келаётган эди.
Маълумот учун: Президент фармонига мувофиқ, “Юксалиш” умуммиллий ҳаракатининг вилоят бўлинмаси раҳбари бир вақтнинг ўзида вилоят ҳокими маслаҳатчиси ҳисобланади.

Навбатдаги ана шундай тадбирлар Қизириқ туманида яшовчи Иккинчи жаҳон уруши қатнашчилари Хонимқул Қаршиев (“Боғистон” маҳалласи) ҳамда Аби Ҳакимов (“Кармаки” маҳалласи) хонадонида бўлиб ўтди.

Сурхондарё вилояти ҳокими Тўра Боболов Жарқўрғон туманининг "Лойқанд" маҳалласида истиқомат қилувчи Иккинчи жаҳон уруши қатнашчиси Рўзи Абдуллаев хонадонида бўлиб, Президентимизнинг совға-саломларини улашди. Ватанимиз тинчлиги, юртимиз ободлиги учун жанг майдонларида кўрсатган жасоратлари билан танишди.