Хабар бериб бораётганимиздек, вилоят куз-қиш Штаби томонидан аҳолига коммунал хизматлар, хусусан, электр энергияси, газ ва ичимлик суви таъминоти барқарорлигини таъминлаш борасида қатор чора-тадбирлар амалга оширилмоқда. Жумладан, белгиланган маҳаллаларда электр таъминотида юзага келиши мумкин бўлган фавқулодда авария ҳолатларини олдини олиш мақсадида тармоқлар таъмирланмоқда.

Куни-кеча Сариосиё туманининг тоғли ҳудудида жойлашган "Чош" қишлоғида ёққан ярим метрлик қор қопламида ҳам электр таъминоти корхонаси муҳандисларидан иборат махсус бригада 110/10 кВ "Дебодом" подстантсиясидан чиқувчи 1-фидерда юзага келган авария ҳолатларини бартараф этишди.

Ҳозирда белгиланган ҳудудларда аҳолини олдиндан хабардор қилган ҳолда тармоқларни таъмирлаш ишлари давом эттирилмоқда.

Мурожаат учун Сурхондарё вилояти ҳокимлиги марказий штабининг қисқа рақами:
1055 (24 соат)