Вилоят Маҳаллабай ишлаш ва тадбиркорликни ривожлантириш бошқармаси ҳамда ҳокимликлар томонидан аҳолига кўмак кўрсатиш, уларнинг тадбиркорлик ҳамда ҳунармандчилик фаолиятларини қўллаб-қувватлаш мақсадида субсидиялар ажратиш ишлари давом этмоқда.

Бугун Денов туманидаги «дафтарлар»да турган, банд бўлмаган 153 нафар фуқарога ҳоким ёрдамчилари тавсияси билан тикув дастгоҳлари ҳамда мотокультиватор топширилди.

Шунингдек, Жарқўрғон туманида ҳам ижтимоий ҳимояга муҳтож ишсиз аёлларнинг 23 нафарига субсидия асосида тикув дастгоҳлари топширилди.

Эндиликда ушбу фуқаролар ўзини-ўзи банд қилган ҳолда оилаларига қўшимча даромад келтириш имкониятига эга бўлишади.