Yoshlar bandligini taʼminlash maqsadida takroriy ekin uchun yer maydonlari ajratish tadbirlari Sherobod tumanida davom etdi. Viloyat hokimi Ulugʼbek Qosimov tumanda boʼlib, tuman mutasaddilari, qishloq xoʼjaligi sohasi xodimlari, xotin-qizlar va yoshlar bilan uchrashuv oʼtkazdi.
Uchrashuvda tuman gʼalla rejasini ortigʼi bilan bajarganligi taʼkidlanib, gʼalla oʼrim-yigʼimida faol ishtirok etgan 50 dan ortiq otryad rahbarlari, aʼzolari, ilgʼor fermer xoʼjaligi rahbarlari va ishchilari, mexanizatorlar, kombayn operatorlari hamda suvchilarga sovgʼalar topshirildi. Shuningdek, “Аyollar daftari”ga kiritilgan xotin-qizlarning 100 nafariga bugʼdoy tarqatildi.
Tumanning 4 ta hududidagi fermer xoʼjaliklarining gʼalladan boʼshagan maydonlari shudgorlanib, ekin urugʼlari bilan 150 nafar yoshlarga ajratib berildi. Tadbir soʼngida ehson uchun jonliq soʼyilib, tumandagi Iso Termiziy majmuasida dasturxon yozildi.