Davlatimiz rahbarining tashabbusi bilan 2024-yil “Yoshlar va biznesni qo‘llab-quvvatlash yili” deb e’lon qilindi. Shu munosabat bilan bugun vohalik 400 nafarga yaqin yosh tadbirkorlarning bilim va ko‘rikmalarini oshirish, biznes sohasida ulkan yutuqlarga erishgan tadbirkorlarning tajribalari bilan tanishtirish maqsadida Termiz shahrida biznes marafon o‘tkaziladi.

Biznes marafon Surxondaryo viloyati hokimligi, Yoshlar ishlari agentligi, “Yoshlar-kelajagimiz” jamg‘armasi hamda “M-Faktor” loyihasi hamkorligida tashkil etilayotgan bo‘lib, unda Respublikamizda taniqli tadbirkorlardan Jahongir Ortiqxo‘jayev, Husan Mamasaidov, Zafar Hoshimov, Laziz Adhamov, Umidjon Ishmuhamedov va bir qator taniqli motivatorlar ishtirok etishadi.

Biznes marafon tadbirlari Surxondaryo viloyati hokimligi Axborot xizmatining You tubedagi rasmiy sahifasi hamda “Surxondaryo” telekanali orqali to‘g‘ridan-to‘g‘ri efirga berib boriladi.