Surxondaryo viloyati hokimi “Sibirskoe steklo” kompaniyasida ishlab chiqarish jarayonlari bilan tanishdi
Ayni vaqtda Rossiya Federatsiyasiga tashrifini Novosibirsk viloyatida davom ettirayotgan Surxondaryo viloyati hokimi Ulug‘bek Qosimov bugun Novosibirsk viloyati gubernatori Andrey Travnikov hamrohligida «Sibirskoe steklo» (Sibir shishasi) kompaniyasi faoliyati hamda ishlab chiqarish jarayonlari bilan tanishdi.
![](https://telegra.ph/file/cbfa7021788c65fe518bb.jpg)
![](https://telegra.ph/file/aa5009405095669fed91a.jpg)
![](https://telegra.ph/file/c5955e5014340ea9cd93d.jpg)
«EKRAN» sanoat parkining rezidenti bo‘lgan «Sibirskoe steklo» MChJ shaffof va rangli konteyner shisha ishlab chiqarishga ixtisoslashgan bo‘lib, ta’minot geografiyasi Rossiyaning Uraldan uzoq sharqgacha bo‘lgan hududlari hamda Qirg‘iziston, Qozog‘iston, Ozarbayjon va Mo‘g‘uliston davlatlari hisoblanadi. Zavodda iste’molchilarning xavfsizlik va sog‘liqni saqlash talablariga javob beradigan 120 turdagi shisha mahsulotlari ishlab chiqariladi.
![](https://telegra.ph/file/3c3f64c6b15febec306f4.jpg)
![](https://telegra.ph/file/bd5d43a2eff5c28b9d1eb.jpg)
Muhandislar viloyatimiz rahbariga ishlab chiqarish jarayonlari va bosqichlari, zavod quvvati, unda ishlab chiqariladigan mahsulotlar turlari haqida axborot berishdi. Shuningdek, «EKRAN» sanoat parki va «Sibirskoe steklo» kompaniyasi bilan kelgusida hamkorlik loyihalarini ishlab chiqish masalasi ham muhokama qilindi.
![](https://telegra.ph/file/6874aace92f4f425fb9de.jpg)
![](https://telegra.ph/file/6b93aa17aab22bf224e6d.jpg)
![](https://telegra.ph/file/99cb1460887eda57c47ed.jpg)
-
Manzil :Termiz shahar, At-Termiziy, 1-A uy. Jamoat transportlari: 2,4,8,222,17,13,5
-
Telefon :+998 (76) 224-02-89, 1088
-
E-mail:gov@surxondaryo.uz