Шўрчида замонавий янги боғча фойдаланишга топширилди

Шўрчи туманида 120 ўринга мўлжалланган “Golden kids” номли давлат-хусусий шерикчилик асосидаги нодавлат мактабгача таълим муассасаси ўз фаолиятини бошлади. Икки қаватли ушбу муассасада болажонларнинг сифатли бошланғич билим олишлари, ҳар томонлама соғлом ўсиб-улғайишлари учун барча шароитлар яратилган. Ўйин майдончалари, ошхона, мусиқа ва спорт заллари замонавий жиҳозланган.