MUROJAT VA IJRO: Sariosiyo tumani mahallalarida “Street workout” jihozlari o‘rnatilmoqda

Surxondaryo viloyati hokimi To‘ra Bobolovning 2020 yil 10 dekabr kuni sariosiyolik yoshlar bilan o‘tkazgan uchrashuvida yigit-qizlar tumanda “Street workout” inshootlarini qurish taklifini o‘rtaga tashlashgandi.

Yoshlarning taklifi inobatga olinib, shu kunlarda Sariosiyo tumanidagi barcha mahallalarning belgilangan hududlarida Street workout jihozlari o‘rnatilmoqda. 

Ma’lumot uchun, Street workout - bu ko‘cha gimnastikasi bo‘lib, o‘z tanangizni rivojlantirish bo‘yicha mashqlardir. U ochiq sport maydonchalarida, ko‘pchilikka ma’lum bo‘lgan turnik, brus, shved devorlari va boshqa inshootlarda turli mashqlarni bajarishni o‘z ichiga oladi. Bu sport turida asosiy e’tibor vazn bilan ishlash, kuch va chidamlilikni oshirishga qaratilgan.

Ushbu sport turini viloyatning boshqa hududlarida ham rivojlantirib, keng ommaga tatbiq qilish maqadida joriy yilning aprel oyiga qadar yana 460 ta mahallada “Street workout” inshootlarini qurish rejalashtirilgan.