Халқ депутатлари Узун тумани кенгашининг навбатдан ташқари сессиясида ташкилий масала кўриб чиқилди.

Сессияда шу кунга қадар туман ҳокими лавозимида ишлаб келаётган Турсунов Бахром Бобохонович вазифасидан озод этилди. Туман ҳокими лавозимига Бозоров Хабибулла Шерданакулович тасдиқланди.

Хабибулла Бозоров 1980 йил 3 апрелда Ангор туманида туғилган. 2003 йил Ички ишлар вазирлиги академиясини тугатган. Маълумоти бўйича мутахассислиги ҳуқуқшунос.

Х.Бозоров 2003-2022 йилларда Ички ишлар органларида турли лавозимларда фаолият юритган.

2022 йилдан буён Тошкент шаҳар ИИББ Жамоат тартибини сақлаш бошқармаси бошлиғининг маънавий-маърифий ишлар бўйича ўринбосари лавозимида ишлаб келаётган эди.