Сурхондарёда ўрик экспорти бошланди
Ўзига хос иқлими ва табиати сабаб юртимизда биринчилардан бўлиб, эрта баҳордан мева-сабзавот маҳсулотлари пишиб етиладиган Сурхон воҳаси, хусусан, Термиз туманида шу кунларда ўрик ҳосилини йиғиштириб олиш мавсуми бошлаб юборилган.
![](https://telegra.ph/file/ba8f314106750c8bcdee1.jpg)
![](https://telegra.ph/file/4a14bfeb9a06da553b2a7.jpg)
Туманнинг “Халқобод” маҳалласи ҳудудида жойлашган “SPN Humoagro” МЧЖнинг 58 гектарда экилган ўрикнинг Туркия, Италия ва Греция каби давлатлардан келтирилган 18 турдаги эртапишар, ҳосилдор навлари пишиб етилди.
![](https://telegra.ph/file/77e4cf7c839d9297cb817.jpg)
![](https://telegra.ph/file/6360b219a87e69ea69dd6.jpg)
Ўрик кунлик териб олиниб, ҳар куни 10 тоннадан ортиқ маҳсулот Россияга экспорт қилинмоқда ҳамда маҳаллий аҳоли истеъмоли учун ички бозорларга чиқарилмоқда.
![](https://telegra.ph/file/98b1ea0f99da8caac55cb.jpg)
![](https://telegra.ph/file/e0f22d7c1d54af6b0ef5d.jpg)
“SPN Humoagro” МЧЖ томонидан бу йилги мавсум давомида 300 тоннага яқин ўрик ҳосилини йиғиштириб олиш ва чет давлатларга 300-350 минг долларлик маҳсулот экспорт қилиш режалаштирилган. Шунингдек, МЧЖ томонидан 30 та доимий, 300 та мавсумий иш ўринлари яратилган.
-
Манзил :Термиз шаҳар, Ат-Термизий, 1-А уй. Жамот транспортлари: 2,4,8,222,17,13,5
-
Телефон :+998 (76) 224-02-89, 1088
-
E-mail:gov@surxondaryo.uz