Тадбиркорлар қабули ўтказилди
Сурхондарё вилояти ҳокими тадбиркорларни қийнаб келаётган муаммоларни ўрганиш, янги таклиф ва ташаббусларни кўриб чиқиш ҳамда тегишли чора-тадбирларни белгилаш мақсадида ҳудудий студиялар орқали навбатдаги “Тадбиркорлар қабули”ни ўтказди.
![](https://telegra.ph/file/4a5828b408afa8d354664.jpg)
![](https://telegra.ph/file/7403885b3ac7f62cba4b6.jpg)
Аввалги қабулларда келиб тушган мурожаатлар ижросини таҳлил қилар экан вилоят раҳбари тадбиркорлик фаолиятини қўллаб-қувватлашга юртимизда кенг имконият ва шароитлар яратилаётганлиги, жорий йилда ҳам ушбу йўналишдаги ишларни янги босқичга олиб чиқиш мақсадида йилнинг “Ёшлар ва бизнесни қўллаб-қувватлаш йили” деб эълон қилиниши ҳам бежиз эмаслигини таъкидлади. Вилоят раҳбари бу йилда ҳам тадбиркорлар билан манзилли ишлашни давом эттириб, улар билан доимий мулоқотда бўлишини маълум қилди.
![](https://telegra.ph/file/81f893d53fcf6ad069cb8.jpg)
![](https://telegra.ph/file/c7bb5d8ee9e25c61de8ee.jpg)
Шундан сўнг ҳудудий студиялар орқали 33 нафар тадбиркорнинг олинган кредит муддатини узайтириш, солиқ, субсидия, ундирув, кадастр ва ер майдонлари билан боғлиқ турли масалалардаги 37 та мурожаати тингланди. Қабул давомида мурожаатларнинг 6 тасини ижобий ҳал этиш мақсадида масъулларга вазифалар белгилаб берилди. Ижроси қўшимча ўрганиш ва муддат талаб қиладиган 31 та мурожаат тегишлилиги бўйича масъулларга йўналтирилиб, ижро муддатлари белгилаб берилди.
-
Манзил :Термиз шаҳар, Ат-Термизий, 1-А уй. Жамот транспортлари: 2,4,8,222,17,13,5
-
Телефон :+998 (76) 224-02-89, 1088
-
E-mail:gov@surxondaryo.uz