Хитой компаниялари Сурхондарёда қатор лойиҳаларни амалга оширади
Сурхондарё вилояти ҳокими Улуғбек Қосимов раҳбарлигидаги делегациямиз Хитой Халқ Республикасига етиб борди. Ташрифнинг биринчи кунида қатор компаниялар билан музокаралар ўтказилди.
![](https://telegra.ph/file/82997901b48ee9184bac6.jpg)
![](https://telegra.ph/file/1cbc33d0d052c28ba1462.jpg)
Хусусан, “Kezhou Congling Industrial Co., Ltd” компанияси билан ер ости бойликларини қазиб олиш ва қайта ишлаш ҳамда тайёр маҳсулотлар ишлаб чиқариш;
“Jia Xing Rui Xu Trade Ltd” компанияси Термиз шаҳрида “City” қуриш лойиҳаси;
“Power Uhuru Share Ltd” компанияси билан темир рудаси ва волфрам қазиб олиш, қайта ишлаш, соғлиқни сақлаш, инфратузилма ҳамда муқобил энергия соҳаларида ҳамкорликни йўлга қўйиш;
“BEIXIN ROAD&BRIDGE” компанияси билан М-41 халқаро магистрал йўлини давлат-хусусий шерикчилик асосида реконструкция қилиш, Амузанг-1 ва Амузанг-2 каналларини таъмирлаш лойиҳалари;
![](https://telegra.ph/file/534e5bcfeda2f59945641.jpg)
“XINJIANG URBAN CONSTRUCTION Co., Ltd” компанияси билан давлат-хусусий шерикчилик асосида оқава сув тизимларини яхшилаш, инфратузилма объектларини қуриш;
“Xinjiang Risike Import and Trade Co., Ltd” компанияси билан Урумчи-Термиз савдо уйини ташкил этиш;
«Xinjiang Lihua Group» компанияси билан текстиль кластерини ташкил этиш, ерларни ўзлаштириш, чигит уруғчилигини ривожлантириш лойиҳаси;
«YI WU DONG MACHINERY EQUIPMENT» компанияси билан метални қайта ишлаш ва метал маҳсулотлари ишлаб чиқаришни ташкил этиш;
«Hebei Yishun Supply Chain Management Co., Ltd. » компанияси билан логистика марказини ташкил этиш лойиҳалари юзасидан муҳокама ва музокаралар ўтказилди.
![](https://telegra.ph/file/f8f4b102fb4b059b3d87d.jpg)
![](https://telegra.ph/file/c322615ef77b8421ad065.jpg)
Ўтказилган учрашувлар якуни қатор келишувларга эришилди ҳамда шартнома ва меморандумлар имзоланди.
![](https://telegra.ph/file/0426e3cb3cfe641803ae9.jpg)
Шунингдек, Қорақалпоғистон Республикаси Жўқорғи Кенгес раиси, вилоятлар ва Тошкент шаҳри ҳокимларининг Хитой провинциялари губернаторлари билан учрашуви бўлиб ўтди.
Делегациямизнинг Хитойга ташрифи давом этмоқда.
-
Манзил :Термиз шаҳар, Ат-Термизий, 1-А уй. Жамот транспортлари: 2,4,8,222,17,13,5
-
Телефон :+998 (76) 224-02-89, 1088
-
E-mail:gov@surxondaryo.uz