![](https://telegra.ph/file/314fac571101d49bffc2e.jpg)
Бугун Сурхондарё вилояти ҳокими Тўра Боболов бошчилигида секторлар, бошқарма ва ташкилотлар, Халқ қабулхонаси раҳбарларининг фуқаролар мурожатларини ўрганиш бўйича навбатдаги сайёр қабули Жарқўрғон туманида бўлиб ўтди.
![](https://telegra.ph/file/5ad9f7ccca28cb9639e46.jpg)
Жарқўрғон туманининг “Нурли диёр” маҳалласидаги текистиль фабрикасида ўтказилган оммавий сайёр қабул давомида 300 га яқин аҳоли мурожаатлари тингланди.
![](https://telegra.ph/file/98d03b5c7fa8954f58c3d.jpg)
Фуқаролардан асосан иш билан таъминлаш, ижтимоий қўллаб-қувватлаш, уй-жой, йўлларни таъмирлаш, газ, сув ва электр таъминоти, таълим, соғлиқни сақлаш, тижорат банкларига оид ва бошқа масалаларда мурожаатлар келиб тушди.
![](https://telegra.ph/file/73c74116aca7fde89adb9.jpg)
Эндиликда сайёр қабулларда шахсий муаммолардан кўра, жамоавий, ижтимоий ҳамда тадбиркорлик билан боғлиқ мурожаатлар сони ортиб бормоқда. Бу, аввало, одамларимизнинг руҳияти ҳамда дунёқараши, ҳаётга, ўз меҳнатининг натижасига муносабати ўзгараётганидан далолатдир.
![](https://telegra.ph/file/a8ac7c0dce0c82cb817b3.jpg)
Шу тариқа Жарқўрғонда ўтказилган қабулда ҳар бир мурожаатчининг масаласи улар иштирокида шу ернинг ўзида кўриб чиқилди, зарур чора-тадбир белгиланди. Зеро, халқнинг дарду ташвиши билан яшаш энг асосий мақсад бўлиб, унинг рўёби юртимиз равнақига, унинг янада гуллаб-яшнашига, фуқароларнинг тинч, осуда, фаровон ҳаёт кечиришларини таъминлашга хизмат қилади.
![](https://telegra.ph/file/154d5efd8c6f7b22eb40d.jpg)
![](https://telegra.ph/file/f18f0ddfad3a0c86d4040.jpg)
![](https://telegra.ph/file/be0e276510b7c8476a76c.jpg)
![](https://telegra.ph/file/d8a6d835ab1df934c3f48.jpg)
Сурхондарё вилояти ҳокимлиги Матбуот хизмати