Бугун Сурхондарё вилояти ҳокими Тўра Боболов Украинанинг мамлакатимиздаги Фавқулодда ва мухтор элчиси Николай Дорошенко бошчилигидаги украиналик қатор саноат корхоналари вакилларидан иборат делегация билан учрашди.

Халқ депутатлари Сурхондарё вилояти кенгашининг навбатдаги сессияси бўлиб ўтди. Видеоселектор шаклида ташкил этилган сессияни вилоят ҳокими Тўра Боболов бошқариб борди.

2020 йилга қадар Сурхондарё вилоятида 4,5 минг тонна шоли етиштирилган бўлиб, аҳолининг гуручга бўлган талаби 18,7 фоизга қондирилган. 2020 йилда 24 минг тонна шоли етиштирилиб, аҳоли эҳтиёжини қоплаш даражаси 50 фоизга етказилди.

Ҳозирда Музработ туманида 2 та шоличилик кластери ташкил этилиб, чегара ҳудудидан 2 минг гектар янги ерлар ўзлаштирилмоқда. Вилоятда қуввати 49 минг тонналик 2 та шолини қайта ишлаш корхонаси фаолият кўрсатаётган бўлиб, етиштирилган шоли вилоятнинг ўзида тўлиқ қайта ишланмоқда.

Жануби-ғарбий махсус ҳарбий округ Жанубий оператив қўмондонлиги Термиз дала-ўқув майдонида Ўзбекистон ва Туркия мудофаа вазирликлари Қуролли кучларининг махсус бўлинмалари билан ҳамкорликдаги махсус-тактик ўқув машғулотлари бўлиб ўтаётгани ҳақида аввал хабар берган эдик.

Бугун ушбу махсус-тактик ўқув машғулотини кузатиш учун Туркия Қуролли Кучлари Бош штаби бошлиғи, армия генерали Яшар Гулер бошчилигидаги делегация Ўзбекистон мудофаа вазирининг биринчи ўринбосари – Қуролли Кучлар Бош штаби бошлиғи, генерал-майор Шуҳрат Холмуҳаммедов ҳамроҳлигида Термизга келди. Делегация аъзоларини  Термиз халқаро аэропортида Сурхондарё вилояти ҳокими Тўра Боболов кутиб олди.