Abdurasulov Sunatillo Tojimurodovich Surxondaryo viloyat adliya boshqarmasi boshlig‘i etib tayinlandi.

Sariosiyo tumanida "Obod qishloq" davlat dasturi asosida ijtimoiy soha obyektlari foydalanishga topshirildi. Jumladan, Marjona mahallasidagi 35 yil oldin qurilgan va ta’mirtalab bo‘lgan 23-sonli maktabgacha ta’lim tashkiloti mukammal ta’mirdan chiqarilib, zamonaviy qiyofa kasb etdi. Mazkur ishlar uchun dastur asosida 2 mlrd. 36 mln. so‘m mablag‘ ajratildi.

O‘zbekiston Respublikasi Qurolli Kuchlarining tashkil etilganining 30 yilligi munosabati bilan, Surxondaryo viloyati yoshlarida harbiy vatanparvarlik va insoniylik tuyg‘ularini shakllantirish, halq va armiya yakdilligini yanada mustahkamlashga qaratilgan “Mening armiyam-mening faxrim” shiori ostida yoshlar aksiyasi bo‘lib o‘tdi.

Shu munosabat bilan Termiz shahrida Ro‘zi Choriyev nomidagi Surxondaryo ixtisoslashtirilgan san’at maktab-internatida haykaltarosh Botir Hakimov tomonidan ishlangan rassom haykalining ochilish marosimi bo‘lib o‘tdi. (https://t.me/axborot_xizmati/10025) Tadbir davomida O‘zbekiston xalq rassomi Ro‘zi Choriyevning asarlari jamlangan kichik muzey ham foydalanishga topshirildi.