Бугун Термиз шаҳридаги Матбуот уйида Сурхондарё вилоят ҳокимлиги, Жисмоний тарбия ва спорт вазирлиги, Ўзбекистон кураш федерацияси Ўзбекистон Республикаси Президенти соврини учун кураш бўйича Ал Ҳаким ат-Термизий хотирасига бағишланган анъанавий XV халқаро турнирга бағишланган матбуот анжумани бўлиб ўтди.
Унда хориждан келган меҳмонлар, маҳаллий ва чет эллик журналистлар, блогерлар иштирок этди.

Термиз халқаро аэропортида жорий йилнинг 10-11 апрель кунлари Ўзбекистон Республикаси Президенти соврини учун кураш бўйича Ал-Ҳаким ат-Термизий хотирасига бағишланган анъанавий XV халқаро турнирда иштирок этиш учун Сурхондарё вилоятига келган хорижлик меҳмонлар тантанали кутиб олинди.

Бугун Жисмоний тарбия ва спорт вазирлигида кураш бўйича Ал-Ҳаким Ат-Термизий хотирасига бағишланган анъанавий XV халқаро турнирнинг ташкилий масалаларига бағишланган матбуот анжумани ўтказилди (https://minsport.uz/uz/news/post/738).

Бангладеш Ёшлар ва спорт вазирлиги котиби Сохел Аҳмад бошчилигидаги делегация Ислом Каримов номидаги Тошкент халқаро аэропортида Жисмоний тарбия ва спорт вазирлиги, Ўзбекистон кураш федерацияси ҳамда оммавий ахборот воситалари ходимлари томонидан тантанали кутиб олинди.

Кеча  Ислом Каримов номидаги Тошкент Халқаро аэропортида бир қатор делегациялар хусусан, Доминикан Республикаси кураш федерацияси президенти Жейми Казанова, Конго Демократик Республикасидан Франсис Яфали, польшалик Ян Андре Гржегорчик, Руминиядан ҳақиқий кураш фидойиси Наим Белгин, Озарбайжон вакили Мобил Хусейнов ва бошқалар муносиб тарзда кутиб олинди.