Термиз шаҳридаги Санъат саройи ҳудудида соат 7:00 да бошланган вилоят ҳокими Тўра Боболов бошчилигида секторлар, вилоят ҳокими ўринбосарлари, бошқарма ва ташкилотлар, Халқ қабулхонаси раҳбарларининг оммавий сайёр қабули 14:40 га қадар давом этди.

Сайёр қабулда асосан Термиз шаҳри ва Термиз тумани фуқароларидан бандлик, ичимлик суви, ички йўллар таъмири, электр ва газ таъминоти, соғлиқни сақлаш, ижтимоий таъминот каби турли масалалар билан боғлиқ 402 та муаммо тингланди.

Мурожаатларнинг 71 таси шу ернинг ўзида ижобий ҳал этилган бўлса, қўшимча ўрганиш талаб этилган 331 та муаммо юзасидан  масъулларга муддат белгиланиб, ижроси назоратга олинди.