Mahalla ichki yo‘llarini qurish, ta’mirlash, shag‘allashtirish, asfaltlash qanday amalga oshiriladi?

Javob: Ichki avtomobil yo‘llarini ta’mirlash bo‘yicha mahalla faollari tomonidan Openbudget.uz axborot portaliga tegishli mavsumlarda takliflar kiritilishi, takliflar ma’qullangandan so‘ng ushbu hududda yashovchi fuqarolar tomonidan berilgan ovozlar natijasiga ko‘ra shahar uchun ajratiladigan limitlarni taqsimlashda eng yuqori ovoz to‘plab, g‘olib bo‘lgan takliflarga zarur mablag‘lar ajratilishi belgilangan.

O‘z navbatida, Openbudget.uz axborot portali orqali mahalla faollari bilan kelishgan holda, ichki avtomobil yo‘llarini ta’mirlash taklifini kiritishi maqsadga muvofiq.

Yer maydoni (uchastkasi) ajratish so‘rovlari qanday amalga oshiriladi?

Javob: O‘zbekiston Respublikasi Prezidentining “Yer munosabatlarida tenglik va shaffoflikni ta’minlash, yerga bo‘lgan huquqlarni ishonchli himoya qilish va ularni bozor aktiviga aylantirish chora-tadbirlari to‘g‘risida” 2021 yil 8 iyundagi  PF-6243-son Farmoni ijrosini ta’minlash maqsadida Vazirlar Mahkamasi 2022 yil 14 fevralda “Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida”gi 71-sonli qaror nizom talablari asosida jismoniy va yuridik shaxslarga tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berish  “E-IJRO AUKSION” yagona elektron savdo maydonchasida elektron auksion orqali amalga oshirilishi belgilab qo‘yilgan

Uy-joy bilan ta’minlash so‘rovi qanday amalga oshiriladi?

Javob: Uy-joy berilishi tartibiga ko‘ra, O‘zbekiston Respublikasi Prezidentining 2019 yilning 28 noyabrdagi PF-5886-sonli farmoniga muvofiq hamda O‘zbekiston Respublikasi Vazirlar Mahkamasining 2021 yil 5 fevraldagi 56-sonli qarorining 1-ilovasida O‘zbekiston Respublikasi Moliya vazirligi tomonidan joylashtirilgan mablag‘lar hisobidan ipoteka kreditlari ajratish tartibi to‘g‘risidagi Nizomning 3-bobida, qarz oluvchilarning muvofiqlik mezonlari belgilangan. Mazkur bobning, 16-bandida qarz oluvchilar quyidagi muvofiqlik mezonlariga mos bo‘lishi lozimligi va b) qismida doimiy ish joyiga, shaxsiy yordamchi yoki dehqon xo‘jaligidan yohud yakka tartibdagi tadbirkorlik faoliyatidan doimiy daromadga, shuningdek ipoteka krediti bo‘yicha hisoblangan foizlarni va asosiy qarzni to‘lov jadvaliga muvofiq har oyda to‘lash uchun yetarli bo‘lgan qonun hujjatlarida taqiqlanmagan va hujjatlar bilan tasdiqlangan boshqa daromad manbaiga ega bo‘lishi ko‘rsatilib o‘tilgan.

Alohida uyning turar joy mulkdori shirkati tarkibidan chiqsa ushbu uyga shirkat mablagʻlaridan ulush beriladimi?

Ha, bu uyning turar-joy mulkdorlaridan taʼmirlashga yigʻilgan mablagʻlardan beriladi. Agarda alohida koʻp kvartirali uy turar joy mulkdorlari Shirkat tarkibidan chiqqan taqdirda turar joy mulkdorlari tomonidan ushbu uyni mukammal taʼmirlash uchun toʻplagan maqsadli jamgʻarmasi hisobiga shakllanadigan pul mablagʻlari belgilangan tartibda yangi tuzilayotgan xususiy uy-joy mulkdorlari shirkatiga berilishi kerak.

Agar joy mulkdori umumiy mol-mulkiga koʻrsatilayotgan xizmatdan qoniqmasa majburiy badallarni toʻlamaslikga huquqi bormi?

Yoʻq, agarda mulkdor uyga koʻrsatilayotgan xizmatdan qoniqmasa, u bu masalani shirkatning boshqaruvini, boshqaruv raisini saylash hamda ularning vakolatlarini muddatidan ilgari tugatish vakolatiga ega shirkat aʼzolari umumiy yigʻilishiga kiritishi kerak.

Vanna xonasidagi batareya 24-soat mobaynida ishlashi kerak mi? Isitish batareyasi bizlarda faqat isitish mavsumida ishlaydi? 

Toʻgʻri nomi-radiator. U isitish uchun moʻljallangan. Issiqlik bilan taʼminlash shartnomasiga koʻra issiq suv bilan taʼminlash yil davomida uzluksiz 24-soat mobaynida taʼminlanishi kerak. Isitish ehtiyojlari faqat isitish mavsumida taʼminlanadi. Isitish yetkazib beruvchi tashkilot isteʼmolchiga xizmat koʻrsatilish sifati oʻrnatilgan normativlarga mos kelishiga javob beradi: Isitish boʻyicha xona harorati isitish mavsumida 20°S kam boʻlmasligi kerak (SHNK 2.08.01-05 “Jilыye zdaniya” qoidasiga koʻra). Issiq suv taʼminoti boʻyicha Oʻzbekiston sharoitidagi markaziy issiq suv taʼminoti tizimining nazorati toʻgʻrisidagi sanitar qoidalarga koʻra (SHNK 2.08.01-05 “Jilыye zdaniya” qoidasiga koʻra) suv taqsimlash joyidagi issiq suv harorati 50-75°S gacha boʻlishi kerak.

Men yashаyotgаn kvаrtirаdаn o`tgаn sovuq suv quvurini o`z xisobimdаn аlmаshtirdim. Shirkаt men qilgаn sаrf-xаrаjаtlаrni kommunаl xizmаt to`lovlаrigа o`tkаzishni istаmаyapti. Siz qаndаy mаslаxаt berаsiz. 

Siz аvvаlom bor eski suv quvurlаrini аlmаshtirishingiz hаqidа shirkаt bilаn kelishib olishingiz, keyin tа'mirlаsh ishlаr oxiridа qilingаn ishlаrni hujjаtlаshtirish ulаrgа tаqdim etishingiz lozim edi. Shuningdek xujjаtgа quvurlаrni sotib olgаnligingiz vа bаjаrilgаn ishlаr uchun to`lаgаn pulingizni tаsdiqlovchi chekni ilovа qilinаdi. “Xususiy uy-joy mulkdorlаri shirkаtlаri to`g`risidа"gi Qonunning 30–moddаsidа аyrim hollаrdа shirkаt а'zolаrining umumiy yig`ilishi joy mulkdori tomonidаn mаjburiy bаdаllаrning bir qismini to`lаshning pul shаklini uning umumiy xаrаjаtlаrdаgi ishtirokining boshqа turlаrigа аlmаshtirish to`g`risidа qаror qаbul qilishi mumkinligi ko`rsаtib o`tilgаn.