Жарқўрғон туманида бўлиб ўтган уч авлод учрашувлари доирасида “Файз” тантаналар саройида нуроний отахон ва онахонлар, меҳнат фахрийлари ва ёшлар учун байрам дастурхони ва милий либослар ҳамда урф-одатларни ўзида мужассам этган кўргазмалар намойиши ташкил этилди.

Тадбирда вилоят Халқ қабулхонаси раҳбари, вилоят ҳокимининг ўринбосарлари ҳамда шаҳар ва туманлар ҳокимлари иштирок этишиб, ёшларга ўзларининг таклиф ва тавсияларини беришди.

Ислоҳотлар ривожи, тараққиёт суръати авлодлар ўртасидаги ўзаро боғлиқ эзгу ришталарни мустаҳкамлаш билан чамбарчас боғлиқ. Мазкур тадбирда ҳам Сурхондарё вилоятидаги давлат ва жамоат арбоблари, барча тармоқларда меҳнат қилаётган турли миллат вакиллари, ўз соҳасида катта ютуқларга эришган ёшлар бир сафда жамланди. Уларнинг хизматлари эътироф этилди.

Эл-юрт равнақига муносиб ҳисса қўшаётган уч авлод вакилларидан бир гуруҳи вилоят ҳокимлигининг фахрий ёрлиқлари ҳамда совғалари билан тақдирланди.