Сурхондарё вилояти ҳокимлиги жамоаси вилоят ҳокимлиги Коррупцияга қарши ички назорат қилиш шўбаси мудири Рахматов Журабек Саидовичнинг бевақт вафоти муносабати билан унинг оила аъзолари ва яқинларига чуқур ҳамдардлик билдиради.

Рахматов Журабек Саидович кўп йиллар молия ва банк соҳасининг етук мутахассиси сифатида халқ хизматида бўлган, банк тизимида фаолият юритган. 2022 йилнинг ноябрь ойидан Сурхондарё вилояти ҳокимлиги Коррупцияга қарши ички назорат қилиш шўбаси мудири сифатида тизимда фидокорона меҳнат қилди.

Меҳнатсевар, самимий ва камтарин, ҳалол ва билимдон инсон сифатида вилоят ҳокимлиги жамоаси ҳурматини қозонган Журабек Рахматовнинг ёрқин хотираси қалбларимизда ҳамиша сақланиб қолади.

Сурхондарё вилояти ҳокимлиги жамоаси