Кеча шерободликлар учун яна бир янгилик, “Уста Рустам бобо” оилавий корхонаси томонидан туман марказида барпо этилган, умумий лойиҳа қиймати 9,5 млрд сўмни ташкил этувчи уч қаватли бинонинг биринчи қаватида замонавий савдо ва маиший хизмат кўрсатиш лойиҳаси – янги “супермаркет” фаолиятини бошлади.

Лойиҳа доирасида 15 та янги иш ўринлари яратилган. Шунингдек, объектни тўлиқ “яшил” энергия билан таъминловчи, 20 кВт қувватга эга қуёш панелларини ўрнатиш ишлари олиб борилмоқда.

Тантанали очилиш маросимида иштирок этган вилоят ҳокими Улуғбек Қосимов тадбиркор билан суҳбат давомида уч қаватли бинонинг иккинчи қаватида умумий овқатланиш нуқтаси, учинчи қаватида болалар ўйин майдончалари ва кўнгилочар масканларни ташкил этиш бўйича таклиф ва тавсияларини берди ҳамда масъулларга ушбу лойиҳаларни амалга ошириш учун тадбиркорга кредит маблағлари ажратилишида кўмак кўрсатиш вазифаси топширилди.

Сурхондарё вилояти ҳокимлиги Матбуот хизмати