“Бандихон агрокластер” МЧЖ томонидан пахта ва сунъий толадан ип-калава ишлаб чиқариш ҳамда тикувчиликни ташкил этиш лойиҳаси амалга оширилмоқда. Умумий қиймати қарийб 189 млрд сўм бўлган лойиҳа доирасида йилига 4 минг тонна ип калава ишлаб чиқарилади ва 600 та иш ўрни яратилади.

Бугун вилоят ҳокими Улуғбек Қосимов Бандихон туманида бўлиб, мазкур лойиҳалар қурилиши билан танишди. Ҳудуддаги 4 та маҳалланинг ишсиз, “дафтарлар”да турган фуқаролари бандлигини таъминловчи ҳамда йиллик экспорт ҳажмини 5 млн оширувчи лойиҳаларни белгиланган муддатда ишга тушириш бўйича вазифалар белгилаб берилди.

Хайрли ишлар ривожи учун жонлиқ сўйилиб, эҳсон қилинди.

Сурхондарё вилояти ҳокимлиги Матбуот хизмати