Шерданақулов Жамолиддин Тўлқинович Ўзбекистон ёшлар иттифоқи Сурхондарё вилояти Кенгаши раиси лавозимига тайинланди.

У 1993 йилда Жарқўрғон туманида туғилган. 2014 йил Тошкент ирригация ва мелиорация институтини тугатган, шунингдек, 2017 йилда Ўзбекистон Республикаси Президенти ҳузуридаги давлат бошқарув академияси тингловчиси бўлган. Маълумоти бўйича мутахассислиги – муҳандис-механик, молия.

Ж.Шерданақулов меҳнат фаолияти давомида Жарқўрғон тумани ҳокимлиги, “Камолот” ёшлар ижтимоий ҳаракати, Ёшлар иттифоқи вилоят кенгаши ва Ёшлар ишлари агентлиги вилоят боқармасида турли лавозимларда меҳнат қилган.

Тайинловга қадар 2023 йилдан буён Ёшлар ишлари агентлиги Денов туман бўлими бошлиғи лавозимида фаолият юритиб келаётган эди.

Сурхондарё вилояти ҳокимлиги Матбуот хизмати