Воҳалик миришкор бобо деҳқонлар, кластер ва фермер хўжаликлари томонидан етиштирилган пахта ҳосили пишиб етилиб, йиғим-теримни бошлаш учун тайёр ҳолга келди. Бугун воҳада миллий бойлигимиз бўлган пахтани йиғиб-териб олиш мавсумига старт берилди.

Вилоят ҳокими Улуғбек Қосимов Қизириқ тумани “Истара” ҳудудидаги “Чори Амиров” оилавий пудрати пахта даласида бўлиб, нуронийлар, қишлоқ хўжалиги фахрийлари, соҳа мутасаддилари ҳамда туман раҳбарлари иштирокида йиғим-терим мавсумини бошлаб берди.

Қизириқ туманида жорий йил ҳосили учун 7 684 гектар майдонда ғўза етиштирилган бўлиб, туман миришкорлари давлатга 26 663 тонна пахта сотишни режа қилишган.

Сурхондарё вилояти ҳокимлиги Матбуот хизмати