Мактаб биноси 420 ўринли бўлиб, ҳозирда 890 нафар ўқувчилар тахсил олишади ва уларга 65 нафар педагоглар таълим бериб келмоқда. Мактаб жамоаси “Ташаббусли бюджет” лойиҳаси доирасида 1,2 млрд сўмга моддий техника базасини мустаҳкамлаш таклифи билан ғолиб бўлиб, мавжуд хоналар замонавий электрон доска ва бошқа жиҳозлар билан таъминланган.

Вилоят раҳбари мактаб фаолияти намунали йўлга қўйилганлигини эътироф этиб, аҳиллик билан “бир ёқадан бош чиқариб” фаолият юритаётган мактаб жамоасига миннатдорчилик билдирди. Ўқувчилар учун китоблар жамланмаларини топширди.

Сурхондарё вилояти ҳокимлиги Матбуот хизмати