Бугун вилоят ҳокими Улуғбек Қосимов Шеробод туманига ташрифи давомида, “Улаш Туропов” ҳудудидаги “Абу Зокир” фермер хўжалигининг пахта даласида йиғим-терим ишлари билан танишди.

Вилоят раҳбари теримчилар билан суҳбатлашиб, йиғим-терим ишларида фаол иштирок этаётган илғор теримчиларга совғалар топширди.

“Абу Зокир” фермер хўжалиги томонидан 200 гектар майдонда ғўзанинг “Бухоро-102” нави етиштирилган бўлиб, ҳозирга қадар ўртача 45 центнер ҳосил олинди ва терим ишлари давом этмоқда.

Сурхондарё вилояти ҳокимлиги Матбуот хизмати