Сариосиё туманидаги “Турмушобод” маҳалласида 4144 нафар аҳоли истиқомат қилади. Аҳолининг тоза ичимлик сувига бўлган эҳтиёжини қондириш мақсадида ўтан йили маҳалла ҳудудидаги 2 та артизан қудуғи таъмирланиб, ҳар бири 20 тонна сув сиғимига эга 2 та сув идиши ўрнатилган бўлса, жорий йилнинг ўтган даврида яна 2 та ҳудудда янгидан 2 та артизан қудуғи қазилиб, ҳар бири 60 тонна сув сиғимига эга яна 2 та сув идиши ўрнатилди. Шунингдек, бири 630 Кв., яна бири 400 Кв. ли иккита янги замонавий трансформатор ҳам ўрнатилиб, фойдаланишга топширилди.

Янги қазилган артизан сув қудуқларининг фойдаланишга топширилиши муносабати билан кеча ўтказилган тадбирда Сурхондарё вилояти ҳокими Тўра Боболов, вилоят ва туман секторлари раҳбарлари ҳамда жамоатчилик вакиллари иштирок этди.