Сурхондарё вилояти ҳокими Улуғбек Қосимов бошчилигидаги делегация Татаристон Республикасига ташриф буюрди
Жорий йилнинг 4 октябрь куни Россия Федерацияси Татаристон Республикаси пойтахти Қозон шаҳрида бўлиб ўтган “Ўзбекистон–Россия ҳудудлараро ҳамкорлик бўйича III форуми” доирасида эришилган келишувларни амалга ошириш, янги лойиҳалар бўйича музокаралар ўтказиш мақсадида куни-кеча Сурхондарё вилояти ҳокими Улуғбек Қосимов бошчилигидаги делегация мазкур мамлакатга жўнаб кетган эди.
![](https://telegra.ph/file/956e782f3ee1404580e48.jpg)
![](https://telegra.ph/file/a2a72a772635d2e6ffb19.jpg)
Ташрифнинг биринчи куни Қозон шаҳрида Татаристон Республикаси расмий шахслари, чет давлатлар консулликлари ҳамда 150 дан ортиқ ишбилармон доира вакиллари иштирокида Сурхондарё вилоятининг иқтисодий-инвестицион имкониятлари, туризм салоҳияти намойишига бағишланган тақдимот бўлиб ўтди.
![](https://telegra.ph/file/c9a90c1f6600f753db5df.jpg)
![](https://telegra.ph/file/fc2f229178c7f3bab20fc.jpg)
Шунингдек, аввалги ташрифларда эришилган келишувлар доирасида лойиҳаларни амалга ошириш, ҳудудлар ўртасида савдо-иқтисодий ҳамкорликни янада ривожлантириш, татаристонлик ишбилармон доира вакиллари билан Сурхондарё вилоятида истиқболли лойиҳаларни амалга ошириш юзасидан икки ва кўп томонлама мулоқот ҳамда музокаралар ўтказилди.
![](https://telegra.ph/file/20b0d7389df2b3d34f556.jpg)
![](https://telegra.ph/file/674476e298b9a09f9fe91.jpg)
Якунда умумий қиймати 200 млн долларлик келишувларга эришилиб, шартнома ва меморандумлар имзоланди.
-
Манзил :Термиз шаҳар, Ат-Термизий, 1-А уй. Жамот транспортлари: 2,4,8,222,17,13,5
-
Телефон :+998 (76) 224-02-89, 1088
-
E-mail:gov@surxondaryo.uz