Сурхондарё вилояти Шеробод туманида Бирлашган Араб Амирликларининг “Masdar” компанияси томонидан давлат-хусусий шерикчилик асосида лойиҳа қиймати 260 млн доллар бўлган, 457 МВт қувватга эга қуёш электр станцияси қурилмоқда. Қурилиш ишларига 2 мингдан ортиқ маҳаллий аҳоли вакилари жалб қилинган ва лойиҳа ишга тушгач, 120 та доимий иш ўрни яратилади.

Бугун Савдо-саноат палатаси вилоят ҳудудий бошқармаси томонидан мазкур лойиҳанинг қурилиши билан таништириш мақсадида ОАВ вакиллари, журналист ва блогерлар учун медиа-тур ташкил этилди.

Медиа тадбирда иштирокчилар пудратчи корхона – Хитойнинг CMEC компанияси томонидан олиб борилаётган қурилиш жараёнлари билан яқиндан танишишди ва ўзларини қизиқтирган саволларга мутахассислардан жавоблар олишди.