Тадбирда таъкидланганидек, “Меҳнат фахрийси” кўкрак нишони билан турли соҳаларда кўп йиллар давомида ҳалол ва самарали меҳнат қилган нафақа ёшидаги фахрийлар, оилаларни мустаҳкамлаш, ёшларни она Ватанга муҳаббат, истиқлол ғояларига садоқат руҳида тарбиялашга муносиб ҳисса қўшаётган нуронийлар муносиб тақдирлаб келинмоқда.

Бу йил тақдирланганлар орасида 34 нафар сурхондарёлик нуронийлар ҳам бўлиб, тадбирда I, II, III даражали “Меҳнат фахрийси” кўкрак нишонлари, бир йўла тўланадиган пул мукофотлари ўз эгаларига тантанали равишда топширилди.