Хабар берганимиздек, эртага, 19-март куни Термиз шаҳри “Санъат саройи” мажмуасида “Олам нурга тўлсин сен билан, Наврўз!” шиори остида вилоятнинг асосий байрам сайллари бўлиб ўтади.

Шу муносабат билан байрам сайллари доирасида ўтказиладиган оммавий тадбирлар давомида ҳаракат хавфсизлигини таъминлаш ва йўл-транспорт ҳодисаларининг олдини олиш мақсадида шаҳарнинг қатор кўчаларида транспорт ҳаракати вақтинча чекланади.

Жумладан:

Бугун, 18-март куни тунги соат  24:00 дан 19-март куни 24:00 гача Термиз шаҳрининг Ҳаким ат-Термизий шоҳ кўчасининг Ибн Сино ҳамда Алишер Навоий кўчалари билан кесишган чорраҳаларигача бўлган қисми транспорт воситаларининг ҳаракати учун ёпилади.

Юзага келаётган вақтинчалик ноқулайликлар учун узр сўраган ҳолда, ҳайдовчиларимизга айланма йўллардан ҳаракатланишни тавсия қиламиз.