28-октябрь куни "Термиз" давлат музей -қўриқхонасида (собиқ вилоят маданият ва тарих музейи) “Миллий сувенирлар” фестивали бўлиб ўтади.

Президентимизнинг 2021-йил 9-февралдаги “Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида”ги қарорига мувофиқ ташкил этилаётган фестиваль доирасида фолклор-этнографик жамоалар, рақс жамоаларининг чиқишлари билан бирга кўргазмалар, ярмаркалар, танловлар, ҳунармандларнинг маҳорат сабоқлари ўтказилиши режалаштирилган.

Азиз воҳадошлар ва юртимиз меҳмонлари, сизларни қизиқарли лаҳзаларга бой бўладиган эртанги фестивалга таклиф этамиз!