Айни пайтда Жарқўрғон тумани ҳокимлигида вилоят ҳокими Тўра Боболовнинг "Тадбиркорлар қабули" бўлиб ўтмоқда. 

Унда вилоят сектор раҳбарлари, маҳаллий ва хорижий инвесторлар, шаҳар ва туманлар ҳокимларининг ўринбосарлари, иқтисодий корхоналар раҳбарлари иштирок этмоқда.

Қабулда тадбиркорлар ўзларининг муаммолари юзасидан вилоят ҳокимига тўғридан-тўғри мурожаат қилишмоқда. Мурожаатларнинг аксарияти жойида ҳал этилаётган бўлса, ечими маълум вақт талаб этиладиган масалалар бўйича соҳа мутасаддиларига аниқ вазифалар юклатилмоқда.

Тадбиркорлар қабули тўғрисида кейинроқ батафсил маълумот берилади.