Унда вилоят ҳокимининг ўринбосарлари, котибият мудирлари, вилоят прокурори ўринбосари, Термиз шаҳар ва барча туманлар биринчи ўринбосарлари, иқтисодий корхоналар ва алоқадор ташкилот раҳбарлари иштирок этди.

Қабулда шаҳар ва туманларидан 22 нафар тадбиркор ўзини қийнаётган масалалар бўйича вилоят раҳбарига мурожаат қилди.

Мурожаатларнинг асосий қисми тижорат банкларидан кредит олиш, ўз фаолиятини кенгайтиришга кўмаклашиш мақсадида бино ва ер майдони ажратиш, коммунал соҳадаги муаммолар ва бошқа соҳаларга оид масалалар билан боғлиқ бўлди.

Қабулда қатнашган тадбиркорлардан 9 нафарининг мурожаати жойида ҳал этилган бўлса, ечими маълум вақт талаб этиладиган 13 та масала бўйича алоқадор ташкилотларга топшириқлар берилди.

https://t.me/axborot_xizmati