Бугун, 8 февраль куни Ангор туманида “2022 йил ҳосили учун парваришланаётган бошоқли дон экинларида занг касалликларининг тарқалиши ва уларга қарши курашиш” мавзусида амалий семинар бўлиб ўтди.

Унда вилоят ҳокими ўринбосари У. Турапов, Ангор тумани ҳокими Ш.Абдуллаев, туманлар ҳокимларининг қишлоқ хўжалиги масалалари бўйича ўринбосарлари ва қишлоқ хўжалиги бўлими бошлиқлари ва тегишли масъуллар иштирок этди.

Семинарда 2022 йил ҳосили учун экилган кузги бошоқли дон экинларидан юқори ҳосил этиштириш бўйича зарур тавсиялар берилди. Шунингдек, агротехник тадбирлар ўтказиш тартиби мутахассислар томонидан кўрсатиб ўтилди.

Сурхондарё вилояти ҳокимлиги Матбуот хизмати