Грециянинг Родос шаҳрида шахмат бўйича болалар ва ўсмирлар ўртасида ўтказилган жаҳон чемпионатининг рапид ва блиц йўналишларида Сурхондарё шахмат мактаби вакили 16 ёшли Умида Омонова ўз ёши тоифасида жаҳон чемпиони бўлди.

Жаҳон чемпионатида дунёнинг 40 давлатидан 330 нафардан ортиқ ёш шахматчи иштирок этди.

Маълумот учун, Умида Омонова 2006 йилда Сурхондарё вилояти Шеробод туманида туғилган, 2 карра жаҳон чемпиони, 2 карра жаҳон чемпионати совриндори, 10 карра Осиё ва 14 карра Ўзбекистон чемпиони бўлган. Халқаро тоифадаги Fide “WFM” аёллар спорт устаси ҳамда Республика терма жамоа аъзоси. 2021 йилда Зулфия номидаги давлат мукофоти совриндори бўлган.

Сурхондарё вилояти ҳокимлиги Матбуот хизмати