Вилоятнинг асосий Наврўз байрами тантаналари шоду хуррамлик билан давом этаётган айни дақиқаларда Термиз шаҳар ҳокимлиги қўрғонида ижтимоий ҳимояга муҳтож, кам таъминланган 10 дан ортиқ оилалар фарзандларининг суннат тўйлари ҳам ўтказиб берилмоқда.

 Наврўз сайлида воҳадошларимиз қатори хорижлик меҳмонлар ҳам иштирок этишмоқда. Юртдошларимизнинг қалбига кўтаринки кайфият бахш этиб, она заминимиз узра беназир таровати билан кириб келган бетакрор айём завқу шавқи уларнинг қалбида ҳайрат ва ҳавас уйғотди, десак муболаға бўлмайди.

Барчангизни жорий йилнинг 19 март куни Термиз туманидаги “Отчопар” мавзесида бўлиб ўтадиган вилоятнинг асосий Наврўз байрами тантаналарига таклиф этамиз!

Об-ҳавонинг кескин совиши, кучли шамол ва ёғингарчиликлар бўлиши, баъзи жойларда қор ёғиши эҳтимоли борлиги сабабли, жорий йилнинг 18-19 март кунлари Термиз туманидаги “Отчопар” мавзесида ўтказилиши белгиланган Сурхондарё вилоятининг асосий Наврўз байрами тантаналари 19-март санасига кўчирилганлигини маълум қиламиз.