Сурхондарё вилояти ҳокими Тўра Боболов ҳудуднинг ижтимоий-иқтисодий ривожланиши билан яқиндан танишиш ҳамда ўзаро ҳамкорлик масалаларини муҳокама этиш учун воҳамизга ташриф буюрган Америка Қўшма Штатларининг фавқулодда ва мухтор элчиси Даниел Розенблюм бошчилигидаги делегация билан учрашди.

Индонезиянинг қатор ОAВ вакилларидан иборат делегация Ўзбекистонга келди. Улар 166 миллион аудиторияга эга “ANTV”, “CNN”, TVRI, RRI, TransTV, Trans7 ва ASWA Muslim TV каби телеканал мухбирларидан ташкил топган.

Жорий йилнинг 17-22 апрель кунлари Ички ишлар вазири Пўлат Бобожонов бошчилигидаги ишчи гуруҳ Сурхондарё вилоятида криминоген вазиятдан келиб чиқиб, ҳуқуқбузарлик ва жиноятчиликни барвақт олдини олиш бўйича бажарилаётган ишлар аҳволи юзасидан ўз ўрганишларини олиб борди. Ўрганишлар якуни бўйича Сурхондарё вилояти ҳокимлиги биносида йиғилиш бўлиб ўтди.

Шу кунларда Ўзбекистон Республикаси Бош вазирининг ўринбосари С.Умурзаков бошчилигидаги ҳамда вазирликлар, идоралар, саноат бирлашмалари ва тижорат банклари раҳбарларидан иборат Экспорт ва инвестицияларни ривожлантириш масалалари бўйича Ҳукумат комиссияси тадбиркорлар муаммоларини аниқлаш ва ҳал этиш учун Сурхондарё вилоятида бўлиб турибди.
Ташрифнинг асосий вазифаси тадбиркорлар билан мақсадли ишлаш тизимини ташкил қилиш ва мавжуд муаммоларни бартараф этиш бўйича узлуксиз мулоқотни йўлга қўйиш орқали инвестициялар, саноат ва тадбиркорлик фаолиятини ривожлантириш бўйича комплекс чора-тадбирларни амалга оширишдан иборат.

Жорий йилнинг 21 апрель куни Термиз шаҳридa вилоят ички ишлар бошқармаси ходимлари учун қуриб битказилган янги уй-жойлар фойдаланишга топширилди. Шаҳарнинг “Меҳробод” маҳалласи ҳудудида барпо этилган беш қаватли, икки ва уч хонали 15 та хонадон вилоят ИИБ ходимларига узоқ муддатли имтиёзли кредитлар асосида берилди. Шунингдек, дастлабки бадал маблағларининг вазирлик томонидан тўлаб берилгани ходимларга катта енгиллик яратди.