Термиз тумани “Айритом” маҳалласи ҳудудида "Indenim Textile" МЧЖ томонидан қиймати 126 млрд. 200 млн. сўм бўлган йилига 10 минг тонна тайёр кийимлар ишлаб чиқариш қувватига эга бўлган тикув-трикотаж махсулотлари ишлаб чиқариш корхонаси ишга тушди. Корхонада ишлаб чиқариладиган маҳсулотларнинг 40 фоизи ички бозорга сотилади ҳамда 60 фоизи (йилига 1,0 млн доллар) экспорт қилинади.

Сариосиё тумани Шарғун шаҳрида 12 млрд.  753 млн. сўм маблағ эвазига барча қулайликларга эга бўлган замонавий туғруқ комплекси қурилиб фойдаланишга топширилди.

Вилоятдаги иқтисодий-ижтимоий аҳволи нисбатан оғир ҳудудлар сифатида танланган маҳаллаларда ҳудудни ободонлаштириш,  йўлларни таъмирлаш, тиббий хизмат кўрсатиш сифатини яхшилаш, аҳоли бандлигини таъминлашга кўмаклашиш ишлари қизғин давом этмоқда.

Бугун, 27 январь куни Олтинсой туманинг Мингчинор маҳалласида тупроқ йўлларга тош-шағал тўкиш, ободонлаштириш, аҳолини бепул тиббий кўрикдан ўтказиш, аҳоли даромадларини ошириш бўйича ҳоким ёрдамчилари, маҳалла раислари ва кенг жамоатчилик вакиллари иштирокида кўргазмали семинар ҳамда бўш иш ўринлари ярмаркаси ташкил этилди.

Сурхондарё вилояти божхона бошқармасида Ўзбекистон Республикаси давлат божхона хизмати органлари ташкил топганлигининг 30 йиллиги ва Давлат божхона хизмати органлари ходимлари куни муносабати билан тадбир ташкил этилди.