Вилоят ҳокими Улуғбек Қосимов Музработ туманидаги ташрифини якунлаб, вилоят “Ишонч” телерадиокомпанияси фаолияти, мавжуд шароитлари билан танишди ҳамда телеканал ходимлари ва журналистлар билан суҳбатлашди.

Хусусий телерадиоканалнинг моддий-техника базаси ва мавжуд имкониятларини кўздан кечирган вилоят раҳбари ҳудудлардаги муаммоларни олиб чиқиб, асл ҳолатни билишда, уларни ҳал этилишида кўмакчи бўлаётган мазкур жамоага ўз миннатдорчилигини билдирди ҳамда келгусида ҳам ҳамкорликдаги ишлар давом эттирилишини таъкидлади.

Шундан сўнг, вилоят раҳбари Термиз шаҳрининг “Шодлик” маҳалласида ажрим ёқасига келиб қолган оилаларни яраштириш комиссияси йиғилишида иштирок этди. Вилоят ҳокими билан суҳбатдан сўнг 2 та оила яраштирилди. Масъулларга ажрим ёқасидаги оилалар билан ишлаш, оилавий қадриятларни мустаҳкамлаш борасида амалга оширилиши лозим бўлган чора-тадбирлар белгилаб берилди.

Сурхондарё вилояти ҳокимлиги Матбуот хизмати