Surxondaryo viloyati hokimligi
Sariosiyoda ikki nafar yoshga yangi uy-joylar kaliti topshirildi

Davlat rahbarining tegishli qarorlari bilan yetim va ota-ona qaramog‘idan mahrum bo‘lgan bolalar alohida e’tiborga olinib, ularga davlat tomonidan yordam ko‘rsatish mexanizmlari ishlab chiqildi hamda amaliyotga joriy qilindi. Jumladan, “Mehr daftari” platformasi orqali ushbu toifadagi bolalarni aniqlash, ro‘yxatga olish va manzilli ko‘mak ko‘rsatish ishlari amalga oshirib kelinmoqda.

Shuningdek, Vazirlar Mahkamasining «Yetim bolalar va ota-ona qaramog‘idan mahrum bo‘lgan bolalarni turar joylar bilan ta’minlash chora-tadbirlari to‘g‘risda»gi qaroriga asosan joylarda ushbu toifadagi voyaga yetgan yoshlarni uy-joy bilan ta’minlash choralari ko‘rilmoqda.

Jumladan, Sariosiyo tumanida istiqomat qiluvchi, ota-ona qaramog‘idan mahrum bo‘lgan, davlat ta’minotiga olingan Qudratullo Latipov va  Jamoliddin Boboshurovlarga yangi uy-joylar kalitlari topshirildi.

Shu munosabat bilan bilan tashkil etilgan tadbirda ishtirok etgan hokimlik vakillari va jamoatchilik faollari davlatimiz tomonidan yetim va ota-ona qaramog‘idan maxrum bo‘lgan bolalarga bunday e’tiborning qaratilayotganligi “Inson qadri uchun” tamoyilining amaliy ifodasi ekanligini ta’kidlashdi.

Izoh qoldirish

So‘rovnoma
Saytimizning yangi talqini sizga yoqdimi?

Bog'lanish
Sayt Surxondaryo viloyati hokimligi huzuridagi, Axborot kommunikatsiya texnologiyalarini rivojlantirish markazi mutaxassislari tomonidan yaratilgan.