Bugun Surxondaryo viloyati hokimi Ulugʼbek Qosimovning navbatdagi “Tadbirkorlar qabuli” Sherobod tumanidagi “Sherobod tekstil invest” MChJ binosida onlayn formatda oʼtkazildi. Dastlab, MChJning ip-kalava ishlab chiqarish korxonasi faoliyati bilan tanishildi. Ishlab chiqarish hajmini oshirish, energiya resurslari bilan bogʼliq muammolar oʼrganildi. Masalalarni hal etish boʼyicha chora-tadbirlar belgilandi.

Shundan soʼng, hududiy studiyalar orqali 73 nafar tadbirkorning 85 ta masaladagi murojaati tinglandi. Murojaatlarning 6 tasi qabul davomida ijobiy hal etildi. Qoʼshimcha oʼrganish talab qiladigan 79 ta murojaat ijro uchun masʼullarga yoʼnaltirilib, nazoratga olindi.

“Tadbirkorlar qabuli”da ishtirok etish uchun “Call-tsentr” bilan bogʼlanish raqamlari va tartibi bilan bu yerda (https://t.me/axborot_xizmati/28067) tanishishingiz mumkin.

Surxondaryo viloyati hokimligi Matbuot xizmati