Пиру бадавлат отахон машъум Иккинчи жаҳон уруши қатнашчиси. Унинг кўксини турли даврларда олган орден ва медаллари безаб турибди.

Сурхондарё вилояти ҳокими Тўра Боболов секторлар раҳбарлари билан биргаликда бугун Ҳайит бобонинг хонадонига ташриф буюриб, отахонни табаррук ёш билан қутлади. Ҳокимликнинг эсдалик совғаларини топширди.

– Бундай эътибордан одамнинг дили яйраб, гўё ёшариб кетгандек бўларкан, — дейди Ҳайит бобо. – Озод ва обод Ватанда яшаётганимиз – бизнинг бахтимиз. Илоҳим, юртимизга, тинчлигимизга, ҳамжиҳатлигимизга кўз тегмасин.