Surxondaryo va Novosibirsk viloyatlari o‘rtasida anglashuv memorandumi imzolandi
Surxondaryo viloyati delegatsiyasining Novosibirsk viloyatiga tashrifi doirasida amaliy tadbirlar boshlandi. Bugun viloyatimiz hokimi Ulug‘bek Qosimov va Novosibirsk viloyati gubernatori Andrey Travnikovning kengaytirilgan tarkibdagi uchrashuvi bo‘lib o‘tdi.
![](https://telegra.ph/file/da936b7f440dfa72f19ac.jpg)
![](https://telegra.ph/file/f0b464c179cab7faabdc0.jpg)
![](https://telegra.ph/file/839be3a2d4865686ff7d4.jpg)
Unda tomonlarning tarmoq va sohalar mutasaddilari hamda ishbilarmon doira vakillari o‘zaro hamkorlik aloqalarining yangi yo‘nalishlari, istiqbolli loyihalar hamda mavjud imkoniyatlar yuzasidan taqdimotlari ko‘rib chiqildi va ma’ruzalari tinglandi. Ikki viloyat rahbari ham O‘zbekiston va Rossiya Prezidentlarining say-harakatlari bilan ikki mamlakatning strategik hamkorlik aloqalari yangi bosqichda rivojlanib borayotganini qayd etishdi.
![](https://telegra.ph/file/a09af3e2c54db96a6af44.jpg)
![](https://telegra.ph/file/b795282019c2b1b6e83dc.jpg)
![](https://telegra.ph/file/8435962b55683e5d985a8.jpg)
Tadbir yakunida Surxondaryo viloyati hokimligi va Novosibirsk viloyati hukumati o‘rtasida hamkorlik qilish bo‘yicha anglashuv memorandumi hamda ushbu memorandumni ijrosini ta’minlash bo‘yicha “Yo‘l xaritasi” imzolandi.
Delegatsiyamizning Novosibirsk viloyatiga tashrifi davom etmoqda.
-
Manzil :Termiz shahar, At-Termiziy, 1-A uy. Jamoat transportlari: 2,4,8,222,17,13,5
-
Telefon :+998 (76) 224-02-89, 1088
-
E-mail:gov@surxondaryo.uz