Қўриқхонанинг умумий ер майдони 23,8 минг гектарни ташкил этади. Ҳудудда 807 та тур ўсимлик, шундан 47 таси ноёб тур вакиллари ҳамда 194 та тур ҳайвонот, шундан 25 тур ноёб тур вакиллари мавжуд. Вилоят раҳбари қўрқхонадаги махсус фотоқопқонлар орқали Бухоро буғиси, Бухоро тоғ қўйи ҳамда Морхўрларнинг яшаш тарзини кузатиш ишлари билан танишди.

Умумий қиймати 78,2 млрд сўм бўлган ушбу лойиҳанинг биринчи босқичида йўлнинг 2 километр қисми тўлиқ реконструкция қилинди. Йўлда 200 дона тунги ёритиш чироқлари, йўл ўқида ажратувчи “бардёр” ва сув қочириш ариқлари ўрнатиш, пиёдалар йўлакчасини қуриш, асфальт қоплама ётқизиш ишлари бажарилди.

Учрашувда маҳкум ва маҳкумаларнинг жазони ўташда белгиланган тартибда шароитлар билан таъминланлиги тўғрисида фикрлари тингланди. Жазони ўташ давомида ўзини яхши тутган, намунали хулқга эга маҳкумаларга жазони енгил турига алмаштириш ёки озод этиш тўғрисида судларга даво киритиш юзасидан чора-тадбирлар белгилаб олинди.

Бугун эрта тонгдан “Ал-Ҳаким Ат-Термизий” мажмуасида сектор раҳбарлари нуронийлар, меҳнат фахрийлари ва фаоллар билан бир пиёла чой устида учрашув ўтказиб, улар билан дилдан суҳбат қуришди. Тадбирда вилоят ҳокими Улуғбек Қосимов иштирок этиб, нуронийлар ва меҳнат фахрийларидан ўзларининг бой ҳаётий тажрибаси билан ёшларга насиҳатда бўлиш, фаоллардан ҳар жабҳада уларга ўрнак кўрсатиб, ёшларни тўғри йўл-йўрик кўрсатишга чорлади.

Камбағалликни қисқартириш ва бандлик вазирлиги хузуридаги Маҳаллабай ишлаш ва тадбиркорликни ривожлантириш агентлиги томонидан амалга оширилаётган Жаҳон банки иштирокидаги “Қишлоқ тадбиркорлигини ривожлантириш - 2 - фаза” лойиҳаси доирасида Сурхондарё вилоятида 2 та “Бизнес-инкубатор ва мураббийлик маркази” ташкил этилишига кўмаклашиш белгиланган.