Бугун Сурхондарё вилояти ҳокими Улуғбек Қосимов бошқармалар фаолияти ва давлат хизматчиларининг самарадорлигини ўрганиш ишларини давлат кадастрлари палатаси ва кадастр агентлиги ҳамда Камбағалликни қисқартириш ва бандлик бошқармаларида ўтказди.

Сурхондарё вилоятида 5 нафар Иккинчи жаҳон уруши қатнашчилари, фахрийларимиз истиқомат қилишмоқда. Бугун уларга Президентимизнинг янги йил байрами муносабати билан йўллаган табрик ва совғалари етказиб берилди.

Давлатимиз раҳбарининг вилоятимизга ташрифи чоғида аҳоли саломатлигини асраш, соғлом турмуш тарзини тарғиб қилиш бўйича “Сурхондарё тажрибаси”ни йўлга қўйиш вазифаси белгилаб берилганди. Вилоятда мазкур тажрибани намунали йўлга қўйиш учун Ангор тумани танлаб олинган.

Воҳамизнинг жанубий туманлари Шеробод, Музработ, Ангор ва Термиз, шунингдек, Термиз шаҳрининг иқлимида барча фаслларда кузатиладиган кучли шамоллар ҳамда чанг ҳодисалари асосан шимол ва ғарб томондан, жумладан, Эрон, Туркманистон ва қўшни Афғонистон ҳудудларидан кириб келади.

Сурхондарё вилояти ҳокими Улуғбек Қосимов раҳбарлигида вилоят, шаҳар ва туманлар секторлари раҳбарлари, бошқармалар бошлиқлари, кластерлар, йирик лойиҳалар ташаббускорлари ҳамда салоҳиятли тадбиркорлар иштирокида ўтказилган йиғилишда вилоятда экспорт ва инвестиция прогнозларининг бажарилиши, қишлоқ хўжалиги, коммунал соҳада олиб борилаётган ишлар масалалари муҳокама қилинди.