Бугун Сурхондарё вилояти ҳокими - Фуқаро муҳофазаси бошлиғи Улуғбек Қосимов раҳбарлигида Бойсун туманининг “Пасурхи” ва “Шўрсой” маҳаллаларини боғловчи марказий йўлни таъмирлаш, шаҳарсозлик нормалари асосида қурилиш ишларини олиб бориш, шунингдек, маҳаллалардаги ички тупроқ йўлларни тошлаш бўйича махсус-тактик ўқув машқлари ўтказилди.

Жорий йил 18-феврал куни соат 19:00 дан бошлаб “Сурхондарё” телеканалининг “Халқ билан мулоқот” кўрсатувида тўғридан-тўғри эфир орқали воҳада ижтимоий-иқтисодий ислоҳотларнинг бориши, ҳудудларда амалга оширилаётган йирик лойиҳалар, олдиндаги режалар, вазифалар ҳамда аҳоли муаммоларини ўрганиш ва уларни бартараф этишга қаратилган чора-тадбирлар юзасидан Сурхондарё вилояти ҳокими Улуғбек Қосимов билан очиқ мулоқот бўлиб ўтади.

Жануби-Ғарбий махсус ҳарбий округ тасарруфидаги Термиз, Хайробод гарнизонларида жойлашган ҳарбий қисмлар, Термиз ҳарбий прокуратураси, Музработ тумани ҳокимлиги билан ҳамкорликда вилоят марказидан олис, чегараолди ҳудудларида жойлашган маҳаллада ҳарбий-Ватанпарварлик фестивали бўлиб ўтди.

Вилоятнинг асосий “Наврўз” умумхалқ байрами сайллари жорий йилда ҳам Термиз шаҳридаги “Санъат саройи” мажмуаси ҳудудида бўлиб ўтади. Воҳада сайлларга тайёргарлик жараёнлари бошлаб юборилган бўлиб, ҳозирда ишлар қизғин давом этмоқда.

Бугун Сурхондарё вилояти ҳокими Улуғбек Қосимов белгилаб берилган топшириқлар ижроси билан танишиш, “Маънавият сектори”, таълим, маҳалла инфратузилмасини яхшилаш ва йирик лойиҳаларни амалга ошириш борасидаги ишларни кўздан кечириш мақсадида Олтинсой туманида бўлди.